EduAktiv u themelua në vitin 2024 si një hapësirë edukative dhe kreative për fëmijë dhe të rinj në Mitrovicë, me qëllim që mësimi të jetë më praktik dhe më i afërt me nevojat e fëmijëve. Qendra jonë lindi nga ideja se fëmijët mësojnë më së miri kur ndihen të sigurt, të lirë për të shprehur veten dhe të përfshirë në aktivitete që nxisin kuriozitetin, kreativitetin dhe bashkëpunimin.

Përmes klasave, punëtorive, projekteve, kampeve dhe aktiviteteve të ndryshme në fushat e STEAM, robotikë, programim, art, lexim, matematikë kreative, përgatitje për shkollë dhe aktivitete të tjera, EduAktiv synon t’u ofrojë fëmijëve përvoja që i ndihmojnë të rriten me vetëbesim, aftësi të reja dhe dashuri për të mësuar.

EduAktiv vazhdon të jetë një qendër ku edukimi, kreativiteti dhe inovacioni bashkohen për të krijuar mundësi të reja për të gjithë fëmijët dhe të rinjtë.